Fair Saturdayri buruzko ohiko galderak

2019ko Fair Saturday jaialdian, 850 ekitaldi baino gehiago egin ziren 150 herritan, eta 10.500 artistak baino gehiagok hartu zuten parte, 350 proiektu sozial baino gehiago babesteko.

2020ko Fair Saturday jaialdia azaroaren 28an izango da, larunbatean. Eskozian, abenduaren 28tik 30era bitarte egingo da, St. Andrew’s Fair Saturday izenarekin.

Irekia eta parte hartzekoa denez, munduko edozein hiritan eta tokitan egin daiteke Fair Saturday. Azken edizioan, 150etik gora herritan egin zen eta 15 egoitza ofizial izan zituen. Era berean, 2015etik hiri eta eskualde ofizial berriak gehitu dira edizio bakoitzean, mundu-mailan proiektuaren buruan jarduteko eta herritarrei bestelako egun bat eskaintzeko asmoz, haien hirietan kultura eta enpatia soziala izan daitezen protagonista.

Gaur-gaurkoz hauek dira 2020ko Fair Saturday hiri ofizialak:

  • Bilbo
  • Bizkaia
  • Eskozia
  • Lisboa
  • Huelva

Aurreko asteetan, ekitaldia mundu osoko Fair Saturday jaialdiko kartelean egongo da eta bai webgunean bai Fair Saturday-ren aplikazio mugikorrean agertuko da. Horrela, erraza izango da ekitaldia nahi duzuen guztiokin partekatzea. Fair Saturday egunean, tarte edo leku bat utzi beharko da ekitaldian bertan, manifestua ikus-entzuleekin partekatzeko. Eta etekinen zati bat proiektu sozial batera bideratu nahi bada, minutu batzuk eskaini beharko dira ekitaldiaren aurretik, kausa sozial onuradunaren ordezkari batek ahoz azaldu diezaien ikus-entzuleei garatutako proiektua zein den. Aurtengo jaialdian, zeure proiektu kulturala aukeratuz eragin ahal izango duzu gizartean.

Artista edo kultura-erakunde bat bazara, ekitaldiak egiteko gune bat baduzu edo arte-proiektu bat baduzu eta guztia ongi pentsatuta baduzu jadanik, hau egin dezakezu:

  • Fair Saturday egunerako aurrez aurreko nahiz online ekitaldi bat antolatu zure hirian.
  • Egun horretarako ekitaldi edo ikuskizun bat programatuta baduzu jadanik, Fair Saturday egunean sartu, proiektu sozial bat babestuz*.
  • Grabatuta duzun ekitaldia/ikuskizuna Fair Saturday aplikazioan sartu (aurtengo nobedadea da).
    Ideiaren bat baduzu baina ez badakizu nola gauzatu, gune bat baduzu eta erabil dezaketen artisten bila bazabiltza, edo emanaldi bat baduzu eta ez badakizu non egin, idatz iezaguzu eta laguntzen saiatuko gara.

Jaialdi Pack” delakoan, gaiari buruzko informazio gehiago aurkituko duzu.

Zure hiriko edozein tokitan egin dezakezu ekitaldia: plaza, taberna, liburutegi, denda nahiz ikastetxe batean, baita metroan ere. Nahi duzun tokian egin dezakezu ekitaldia. Horrez gain, gure aplikazioaren bitartez online parte hartu dezakezu.

Ahal dugun neurrian, emanaldia egiteko gune bat bilatzen lagunduko dizugu. Horrez gain, badira plataforma eta bilatzaile batzuk, gune egokiena aurkitzeko lagungarriak izan daitezkeenak. Idatz iezaguzu informazio gehiago lortzeko.

Zure ekitaldirako txartelak saldu nahi badituzu, hona hemen zenbait ideia:

Aurrez aurreko ekitaldiak:

  • Antolatzaileak erabakitzen badu ez diola preziorik jarriko ekitaldiari, ezinbestekoa izango da ikus-entzuleek Fair Saturday plataformaren bitartez erreserbatzea txartela, segurtasuna mantendu eta edukiera kontrolatu ahal izateko. Gainera, dohaintza baten bidez balioa eman ahal izango zaio artistaren lanari, bai plataforman bai ekitaldian bertan.
  • Ekitaldiari prezioa jarri nahi badiozu, Fair Saturday-ren plataforma bera eskaintzen dizugu, baina nahi baduzu txartelak saltzeko beste edozein plataforma erabil dezakezu.

Online ekitaldiak:

  • Ekitaldia zuzenean emango bada, ekitaldiaren antolatzailea arduratuko da txartelen salmenta edo dohaintzak kudeatzeaz, nahi duen txartel-saltzailearen edo plataformaren bidez.
  • Ekitaldia aurrez grabatuko bada, Fair Saturday plataformaren bitartez kudeatuko dira txartelen salmenta eta dohaintzak.

Irabazi-asmorik gabeko plataforma bat da, artearen eta kulturaren sektorearentzat etekinak maximizatzeko helburua duena. Ordainketa-pasabideak ezarritako komisioak besterik ez dira ordaindu beharko. Fair Saturday-k ez die komisiorik kobratzen ez artistei ez ikus-entzuleei.

Aurtengo deialdia azaroaren 15ean amaituko da.

Egun horren ondoren, ekitaldi-proposamenak onartuko ditugu oraindik, baino ez dute izango izena deialdiaren epe barruan eman duten ekitaldien promozio bera.

Artearen eta kulturaren zale bazara, eta zuk ere mundua aldatzeko ametsa baduzu eta tarte bat baduzu gurekin emateko, aukera hauek dituzu:

  • Fair Saturday jaialdiko boluntario-taldean parte hartu, eta aurrez aurreko edo online ekitaldietan lagundu.
  • Edukiak sortuz eta egiten dugunaren berri emanez lagundu.
  • Hizkuntzak badakizkizu, gure edukiak itzuli, gure mezua urrunago eta jende gehiagorengana irits dadin.
  • Jaialdiari buruzko interesa izan dezaketenei (hedabideak, artistak, enpresak, eta abar) Fair Saturday-ren berri emanez lagundu.

Boluntarioentzako gidan gaiari buruzko informazio gehiago lor dezakezu. Ideiarik baduzu edo gehiago jakin nahi baduzu, idatz iezaguzu.

Salbuespen gisa, 2020. urteko Fair Saturday jaialdiak etekin guztiak artistari edo kultura-erakundeari bideratzeko aukera emango du, proiektu kulturalak eta sozialak garatzen jarraitu ahal izan dezaten.

2020. urteko Fair Saturday jaialdian, gure aplikazioaren bitartez egin ahal izango dira online ekitaldiak. Erregistratu aplikazioan eta igo zure ekitaldia.